A
delegación de Educación, Normalización
Lingüística e Medio Ambiente convoca
para as datas do Nadal 2007-2008, un certame que
tén tres variantes:
- Concurso de fotografía
- Concurso de relato curto
- Concurso de debuxo (para os/as nenos/as de Educación
Primaria)
Ambas as tres especialidades teñen
un mesmo tema como obxectivo: trátase
de retratar (mediante un escrito, un debuxo, ou
mediante fotografías) o trato que os adultos
lle dan ao Medio Ambiente, tanto se é bo
como se é malo. É dicir, os
participantes deben recoller nas súas fotografías,
nos seus relatos, ou nos seus debuxos aqueles aspectos
que ven positivos ou negativos (é dicir,
que deben ser cambiados) no respecto e no
trato ao Medio Ambiente.
1. PARTICIPANTES
· Certame de
Fotografía
e Relato Curto
Nenos e nenas, veciños de Burela, en idade
de cursar os estudos de Educación Primaria
(dende os 6 até os 11 anos). Permítese
a paticipación dun mesmo concursante en ambos
os dous certames, fotografía e relato curto.
· Certame de Debuxo
Nenos
e nenas, veciños de Burela, en idade
de cursar os estudos de Educación Infantil
(3 a 5 anos).
2. INSCRICIÓNS
As inscricións pódense materializar
dende o mércores 19 até o luns 31 de
decembro nas dependencias da Biblioteca Pública
Municipal.
Aqueles que se inscriban no certame
fotográfico,
recibirán nese intre unha ficha coa que poderán
recoller a súa cámara de único
uso e realizar o revelado da mesma gratuitamente
en Fotografía Marco Abad, sita en Rosalía
de Castro, 45.
3. OBRAS
• Certame de Fotografía Os/as nenos/as inscritos no curso de fotografía
poden recibir a axuda dos seus pais e nais.
• Certame
de Relato Curto Os que desexen participar na variante
de relato curto deberán facer o seu documento
en galego (aínda que o xurado terá moi
en conta as circunstancias especiais dos/as nenos/as
de fóra de Galicia ou de España). As
obras presentaranse en formato DIN-A4, con unha extensión
mínima de 1 folla e máximo de 3.
• Certame
de Debuxo As obras presentaranse en formato DIN-A4,
empregando ceras para a realización do debuxo.
4. LUGAR
E PRAZO DE ADMISIÓN
O certame desenvolverase ao longo das
vacacións de Nadal, sendo a data límite
para a aceptación dos traballos (na Biblioteca
Pública) o 14 de xaneiro de 2008.
A cada participante
admitiránselle un máximo de 2 obras.
As obras presentaranse baixo seudónimo, xunto
con elas adxuntarase un sobre pechado en cuxo exterior
figure o seudónimo, título da obra
e certame ao que se presenta, e no interior do mesmo
o nome, idade, domicilio e teléfono de contacto
do autor.
.
5. XURADO
Estará composto por:
1 representante
do CEIP “Vista Alegre”
1 representante
do CEIP “Virxe do Carme”
A Concelleira
de Educación e Medio Ambiente
2 Monitoras
de GAIA
O fallo do xurado farase público nun
acto programado para o día 20 de xaneiro (unha
vez pasadas as festas para que todos e todas teñan
tempo de realizar os seus traballos) no que se agasallará a
todos/as os/as participantes.
6. ENTREGA
DE PREMIOS
Terá lugar
o sábado, 20 de xaneiro, no auditorio da casa
da cultura, establecéndose tres primeiros
premios, un para cada unha das variantes:
Certame
de Fotografía Unha
cámara
fotográfica dixital
Certame de Relato
Curto Unha
cámara fotográfica
dixital
Certame de Debuxo Un
lote de materiais para pintar, debuxar e realizar
manualidades en xeral
Todos/as os/as inscritos/as recibirán
un agasallo e participarán no sorteo dun computador
entre os mesmos.
7. OBSERVACIÓNS
FINAIS
• Os
traballos serán expostos ao público
unha vez que se emita o fallo do xurado e durante
o prazo aproximado dun mes.
• Unha vez
rematada a exposición, serán devoltos
aos seus artífices; agás as obras
premiadas que quedarán en propiedade da
Delegación de Medio Ambiente, que se reserva
o dereito de editalas e empregalas sen ánimo
de lucro e facendo sempre mención do autor
das mesmas.
• As obras non premiadas que
non sexan recollidas, do 22 ao 31 de xaneiro
na biblioteca municipal entenderanse cedidas á Delegación
de Educación e Medio Ambiente.
• A
Delegación de Educación e Medio
Ambiente terá o máximo coidado
no tratamento do material recibido, se ben non
se fai responsable en caso de extravío
ou deterioro involuntario, motivado pola manipulación
das mesmas.
• A inscripción neste
certame supón a total aceptación
das bases e a aceptación do fallo inapelable
do xurado.
