Nesta sesión celebrada no día un de outubro de dous mil catro tratáronse os seguintes temas:

      1º.- Por parte do Coordinador informouse de:

·        Solicitude a FEVE, por parte da Comisión de Goberno, de información sobre os pesticidas que usa; FEVE aínda non contestou.

·        Estase a estudiar por parte da arquitecta municipal en funcións aspectos relativos á canalización de augas residuais e pluviais en edificios, así como aspectos relacionados coa realización de obras por parte das empresas de servicios cando se abren rúas ou beirarrúas, de cara á súa incorporación á normativa municipal se procede.

·        No tocante ás zonas de pegadas de carteis, enténdese por parte de Secretaría que deberá incorporarse á ordenanza mediante acordo do órgano colexiado correspondente.

·        No que atinxe ó control de megafonía e distribución de octavitas, deberá facerse para tódalas empresas, sexan de fóra ou do propio concello; este tema, inicialmente, debería levar un trámite semellante ó punto anterior.

      2º.- Campaña de sensibilización en materia de recollida selectiva.

·        Faise constar que se presentou no mesmo día.

·        Por parte do Sr. Rábade proponse que tamén se distribúan bandos coa indicación de horarios obrigatorios de depósito de bolsas de lixo e de vaciado de colectores.

·        Coméntanse aspectos referidos ó uso do punto limpo por parte de comerciantes.

      3º.-  Regulamento de verquidos industriais á rede pública de saneamento.

·                    Por parte do representante de Espina y Delfín faise un resume do regulamento.

·                    Os presentes mostran unha opinión favorable a que se inclúa na normativa municipal.

·                    De cara a eso, coméntase a viabilidade de remitir escrito ós industriais e comerciantes por se queren estudiar o indicado regulamento.

·                    Veuse positivo concertar unha reunión coas directivas de determinadas asociacións e/ou colectivos para poñer en marcha un proxecto piloto de recollida domiciliaria de restos de aceites domésticos.

      4º.- Preparación da vindeira reunión.

·        Falarase de novo do regulamento de verquidos industriais.

·        Farase unha sesion cuasi monográfica sobre o tema da auga.

·        Falarase tamén dos chamados “edificios verdes”.

·       Non se esquecerán asuntos que veñen sendo recurrentes (ruidos, coches tuneados; etc.); a tal efecto, tentarase de traer datos.

·        Verase o xeito de planificar temporalmente as reunións.